19 აპრილს,  კომაროვის სკოლის მოსწავლეთა თვითშემოქმედების ჩვენება შედგა, რომლის ორგანიზებაც  კომაროვის მუსიკისა და ხელოვნების მასწავლებელმა, ბატონ რევაზ ბოყოველმა გააკეთა.

ღონისძიების დროს, ჩვენი სკოლის მოსწავლე მხატვრებმა თავიანთი ნამუშევრების გამოფენა წარმოადგინეს, რის შემდეგაც გაიმართა კონცერტი სადაც მონაწილეობას ღებულობდნენ კომაროვის მოსწავლეები, რომლებიც დაჯილდოებული არიან ილუზიონისტური, პაროდიის, სიმღერის, სხვადასხვა ინსტრუმენტებზე დაკვრის და ლექსების წერის ნიჭით.

ღონისძიებაზე მოწვეული იყვნენ სტუმრები: პარიზის სამხატვრო აკადემიის წევრი და მხატვარი - რეზო ადამია, სამხატვრო აკადემიის პროფესორი და მხატვარი - ნესტან წიკლაური, კომპოზიტორი - ვაჟა აზარაშვილი, ახალგაზრდა კომპოზიტორი - ნიკა ადამია, მხატვარ-დიზაინერები - სოფო სოროზნიშვილი და ნუცა ხიზანიშვილი, პოეტები: მირან ფალიანი, ლალი აბშილავა, მანანა დანგაძე და ქეთი ატენელი.  

კომაროვის სკოლა მადლობას უხდის ბატონ რევაზ ბოყოველს, მოწვეულ სტუმრებს და ყველა მონაწილეს.